2020/015 Investigashon di un entrada hudisial na un bibienda dor di Korps Politie Caribisch Nederland (KPCN)

Rapportnummer
2020/015
Rapport

> This report is also available in English 
> Dit rapport is ook beschikbaar in het Nederlands 


E petishonario ta keha tokante e manera riba kua ámtenarnan di polis di Korps Politie Caribisch Nederland (seguidamente: KPCN) a aktua durante e entrada hudisial na su bibienda riba 8 di yüli 2016. Aki ta trata mas tantu tokante ponementu di lampi fuerte riba su kara, ku a dal e moketa asina duru na su kara motibu pa kua el a pèrdè konosementu, a lagu’é drumi pa tempu largu sunú riba suela ku un kap na su kabes anto pon’é lanta rankando e hantbuinan.

Ademas e petishonario ta keha ku despues di invadí su kas, e ámtenarnan di polis di KPCN no òf no sufisientemente a duna di konosé ku nan tabata di polis. Motibu pa kua durante un ora i mèi, e petishonario a asumí ku tabata trata di un atrako.

Koninklijke Marechaussee (seguidamente: KMar) a haña informashon di Criminele Inlichtingen Eenheid (Unidat di Informashon Kriminal) ku ta indiká ku posiblemente tin droga i arma di kandela den un bibienda na Bonèiru. Seguidamente KMar a inisiá un investigashon kaminda fiskal a duna pèrmit pa efektuá un entrada hudisial na e kas en kuestion. Komo ku for di e informashon a sali na kla ku por tin arma di kandela den e kas, ta pidi KPCN pa hasi e entrada hudisial ku Groep Bijzondere Opdrachten (seguidamente: GBO). E sospecha di droga i arma di kandela ta dirigí riba dos persona. Banda di e dos personanan akí, tambe e petishonario, su pareha i subrinu di e pareha ta presente den e bibienda durante e entrada hudisial.

E entrada hudisial ta tuma lugá riba 8 di yüli 2016. GBO a drenta e kas komo promé, i komo meta nan tabatin pa sigurá e kas i tene e personanan presente bou di kontrol. Ta trese e personanan presente bou di kontrol i pone nan pafó den pòrch te ora fiskal a yega i KMar por kuminsá listra e kas.

E prosès verbal trahá dor di KMar no ta kumpli ku e eksihensianan di artíkulo 163, Wetboek van Strafvordering BES. No por saka for di e prosès verbal di KMar kiko a sosodé durante e entrada hudisial ehekutá pa GBO, kon a bin topa e personanan den e bibienda, si a bui hende etc. Ya komo no a traha un prosès verbal ofishal kompleto, no por determiná e echonan mas. Pa e motibu akí ta limitá e posishon di e petishonario den e prosedura di e keho, anto ta imposibel pa Nationale ombudsman investigá e keho. Ku esaki KMar a aktua kontra e rekisitonan di profeshonalismo. Nationale ombudsman ta mira kousa pa hasi un rekomendashon.

Nationale ombudsman ta abstené su mes pa huzga tokante e keho di e entrada hudisial na un bibienda na Bonèiru dor di KPCN. Anto e ta huzga ku KMar a aktua kontra e eksihensianan di profeshonalismo. Nationale ombudsman ta duna KMar òrdu pa den futuro semper, despues di un entrada hudisial òf ora drenta un bibienda, traha un prosès verbal kompleto ku ta kumpli ku e eksihensianan menshoná den 163 Wetboek van strafvordering BES.

Instansha:

Complaint:

E petishonario ta keha tokante e manera riba kua ámtenarnan di polis di Korps Politie Caribisch Nederland (seguidamente: KPCN) a aktua durante e entrada hudisial na su bibienda riba 8 di yüli 2016.

Judgement:
Geen oordeel

Instansha:

Complaint:

Ademas e petishonario ta keha ku despues di invadí su kas, e ámtenarnan di polis di KPCN no òf no sufisientemente a duna di konosé ku nan tabata di polis. Motibu pa kua durante un ora i mèi, e petishonario a asumí ku tabata trata di un atrako.

Judgement:
Geen oordeel