Tratamentu di keho di polis na Hulanda Karibense ta riba bon kaminda ku espasio pa mehorashon

Riba é página

    Nieuwsbericht
    Politie Caribisch Nederland

    E tratamentu di keho di e Kuerpo Polisial Hulanda Karibense (KPCN) a logra di bai dilanti bon. Pero ainda tin espasio pa mehorashon. Esaki Nationale ombudsman ta konkluí den su investigashon tokante e manera ku KPCN ta trata keho di siudadano.

    Nationale ombudsman, Reinier van Zutphen, den su investigashon ta komprobá si e tratamentu di keho di KPCN ta pas den e vishon di ombudsman riba tratamentu profeshonal di keho. Tambe el a mira si a sigui e rekomendashonnan di investigashonnan anterior, ku e Konseho pa Mantenshon di Derecho a duna huntu ku ombudsman na 2016.

    Profeshonalisá tratamentu di keho

    Reinier van Zutphen: ‘KPCN ta riba bon kaminda pa profeshonalisá e tratamentu di keho. Ta tuma keho di siudadano serio. Pero mi ta mira posibilidat tambe pa hasi e tratamentu di keho mas mihó ainda.’ P’esaki ombudsman ta duna KPCN dies rekomendashon:

    1.  Hasi e manual di keho definitivo i partisip’é;

    2.  Amplia e formulario di keho digital i pèrkurá pa por hañ’é riba e website;

    3.  Sòru pa tin buson di karta na Islariba;

    4.  Registrá e kehonan ku a solushoná informalmente tambe;

    5.  Hasi un análisis di keho anualmente;

    6.  Informá e siudadano si start un investigashon disiplinario;

    7.  Manda un kopia di e kehonan pa gezaghèber i Ministerio Públiko;

    8.  Sea transparente i enbolbí e siudadano i esun ku e keho ta trata di dje den e investigashon di e keho;

    9.  Chèk e nivel di satisfakshon serka e siudadano ora finalisá e keho;

    10. Motivá e huisio den e karta di klousura.

    Nationale ombudsman a indiká ku e ke un kombersashon ku e hefe di kuerpo tokante e siguimentu di e rekomendashonnan.

    Motibu

    For di 2010, Boneiru, Sint Eustatius i Saba ta munisipio ekstraordinario di Hulanda. Huntu nan ta forma Hulanda Karibense. Nationale ombudsman for di e tempu ei ta trata keho tokante instansha di gobièrnu di Reino na e islanan. Pa haña un mihó bista di e manera kon e instanshanan di gobièrnu na Hulanda Karibense ta trata ku keho, ombudsman di su mes inisiativa ta hasi investigashon. Ku esaki e ke kontribuí na bon gobernashon na e islanan BES.

    Bijlagen

    Tratamentu di keho di polis na Hulanda Karibense ta riba bon kaminda ku espasio pa mehorashon.pdf (pdf, 456 KB)