2021/003 Tratamentu di keho di Kuerpo Polisial Hulanda Karibense ta riba bon kaminda, pero tin espasio pa mehorashon

Rapport

E tarea di mas importante di Kuerpo Polisial Hulanda Karibense (KPCN) ta di kontrolá si tur hende ta tene nan mes na e reglanan i detekshon di echo kastigabel. Pasobra ámtenar di polis den e trabou tin hopi kontakto personal ku siudadano, regularmente ta okurí ku ta drenta keho tokante kon ámtenar di polis di KPCN ta hasi nan trabou. Pa trata keho profeshonalmente, ta importante pa mira tratamentu di keho komo un fishi i ku mester di konosementu spesialisá i eksperensiá pa esaki. Tambe ta importante pa tur hende den e organisashon ta habrí pa keho i ku nan ta siña di e kehonan pa den futuro.

Nationale ombudsman a hasi investigashon di e tratamentu di keho di KCPN. Aki a investigá si e ta konektá ku e sinku pasonan for di ‘vishon di ombud riba tratamentu di keho profeshonal’ di Nationale ombudsman.

Nationale ombudsman ta afirmá ku un kantidat di mehorashon ta posibel den trato di keho di KPCN. Asina entre otro e manual di keho ta un dokumento di 2011 i no a establesé esaki definitivamente ainda. Na Boneiru sí ta usa e manual akí kaba ora ta trata keho. Na Saba i Sint Eustatius nò. P’esei ta trata keho na Saba i Sint Eustatius diferente for di keho na Boneiru. Posibilidat pa mehorashon por haña tambe den e registrashon di keho informal i un análisis anual di keho, pa asina KPCN por siña mihó di keho.

Nationale ombudsman ta duna KPCN e siguiente rekomendashonnan:

1. hasi e manual di keho definitivo i ekspres’é;

2. amplia e formulario di keho digital i pèrkurá pa por hañ’é riba e website;

3. sòru pa un buson di karta na Islariba;

4. registrá e kehonan ku a solushoná informalmente tambe;

5. hasi un análisis di keho anualmente;

6. informá e siudadano si start un investigashon disiplinario;

7. manda un kopia di e kehonan pa gezaghèber i Ministerio Públiko;

8. sea transparente i enbolbí e siudadano i esun ku e keho ta trata di dje den e investigashon di e keho;

9. chèk e nivel di satisfakshon serka e siudadano ora finalisá e keho;

10. motivá e huisio den e karta di klousura.

Publicatienummer
2021/003