Nationale ombudsman, señor Reinier van Zutphen, ta informá minister demishonario Van Engelshoven den un karta ku e ta keda monitoriá e rekomendashonnan di su rapòrt ‘Dolor di kabes di studiante karibense’. Ta trata aki di minister di Enseñansa, Kultura i Siensia (Onderwijs, Cultuur en Wetenschap (OCW). Tambe e ta anunsiá ku na desèmber e lo organisá un reunion di mesa rondó. Durante esaki e ke sa kiko a logra hasi pa e studiantenan karibense den e aña despues ku a publiká su rapòrt.
E reakshon di e defensor di pueblo ta un kontesta riba e karta di minister demishonario Van Engelshoven den kua e ta elaborá riba e rekomendashonnan i algun observashon general ku e ta deskribí. Nationale ombudsman den su reakshon ta informá ku - di manera struktural - e ta papia tokante e avanse ku Curaçaohuis, Arubahuis, Sint Maartenhuis, Levende Talen Papiaments, diferente stakeholder i e defensornan di pueblo di Kòrsou i Sint Marten.
Reunion di mesa rondó na desèmber 2021
Na desèmber 2021 Nationale ombudsman ta organisá un reunion di mesa rondó ku e partidonan konserní. Durante e reunion akí e lo inventarisá te na ki punto a sigui e rekomendashonnan menshoná den su rapòrt. Anto si e studiantenan ta riparando algu di e pasonan ku a tuma. A base di e reunion di mesa rondó akí Nationale ombudsman lo stipulá kiko a logra despues di un aña di publikashon di su rapòrt. Tambe e lo analisá i wak si esaki ta duna motibu pa tuma mas akshon.