Investigashon tokante di trasladonan for di Hulanda Karibense pa kuido médiko den eksterior
Riba é página
Investigashon tokante di trasladonan for di Hulanda Karibense pa kuido médiko den eksterior
Nationale ombudsman a inisiá un investigashon tokante di trasladonan for di Hulanda Karibense pa kuido médiko den eksterior. Ku e investigashon aki, Ombudsman ke aklará kua opstákulonan siudadanonan ta eksperensiá durante e trayekto di traslado pa kuido médiko den eksterior. Ademas, e ta identifiká di ki manera e sistema a ser strukturá i kon ta ehekutá un traslado pa kuido médiko den eksterior.
Kehonan tokante di trasladonan pa kuido médiko den eksterior
Tin biaha, tratamentu médiko den otro pais ta nesesario pa siudadanonan di Hulanda Karibense haña e kuido adekuá. Un traslado pa haña kuido médiko den eksterior por tin hopi impakto riba hende. P’esei, ta importante pa e prosedura rondó di e traslado pa kuido médiko den eksterior ta kuidadosamente i adekuadamente reglá.
Nationale ombudsman frekuentemente ta risibí kehonan tokante di trasladonan for di Hulanda Karibense pa kuido médiko den eksterior. Banda di esei, durante kòmbersashonnan ku ta hiba ku organisashonnan relevante riba e islanan, frekuentemente ta trese dilanti opstákulonan struktural. Esaki tabata sufisiente motibu pa Nationale ombudsman inisiá e investigashon aki.
