2016/082 Investigashon riba e manera di aktua di Algemene Inlichtingen- en Veiligheidsdienst

Rapportnummer
2016/082
Rapport

NRC a publiká riba 21 di novèmber 2013 un artíkulo ku Algemene Inlichtingen- en Veiligheidsdienst (AIVD) den e periodo 2005 – 2010 a spioná polítiko na Bonèiru ku tabata negoshá ku e kabinete Hulandés tokante inkorporashon den Hulanda. Tabata trata, según e artíkulo di un operashon ilegal ku a keda tené skondí pa e kabinete Antiyano di e tempu ey. E petishonario den e periodo ey tabata lider polítiko na Bonèiru.

Petishonario ta keha ku AIVD den e periodo 2005 – 2010 a spioná polítikonan na Bonèiru ku tabata negoshá ku e kabinete Hulandés, entrenan su mes persona. Según petishonario e spionahe aki a sosodé ilegalmente.

Gobernashon ta aktua íntegro i ta usa outoridat solamente pa e meta pa kual a duna esaki. Esaki ta nifiká ku siudadano mester por spera ku gobernashon ta ehersé su tareanan na un manera konsiente. Di gobernashon i su kolaboradónan mester por spera ku nan no ta mal usá nan posishon, nan outoridatnan, nan tempu i nan medionan.

A base di e informashon suministrá na Ombudsman Nashonal i ku el a verifiká, mester konkluí ku AIVD, den e periodo menshoná pa e petishonario di 2005 – 2010, durante un periodo relativamente kòrtiku, a hasi investigahon riba e petishonario, mientras ku no tabata pèrmití hasi investigashon. Den e sentido aki e komportamentu investigá no tabata korekto. Pa e restu di e periodo Ombudsman Nashonal, a base di e informashon suministra na, i verifiká pa su persona, a komprobá ku den e periodo aki, sea ku no a tuma lugá un investigashon riba e petishonario, sea ku e investigashon a tuma lugá di manera legítimo. Pa loke ta esaki, e aktuashon investigá tabata korekto.

Instansha: Algemene Inlichtingen- en Veiligheidsdienst (AIVD)

Complaint:

a Den e periodo entre 2005 i 2010 a spioná polítiko, ku tabata negoshá ku e kabinete Hulandés tokante inkorporashon den Hulanda – entrenan e mes

Judgement:
Gegrond

Instansha: Algemene Inlichtingen- en Veiligheidsdienst (AIVD)

Complaint:

Pa e restu di e periodo Ombudsman Nashonal, a base di e informashon suministra na, i verifiká pa su persona, a komprobá ku den e periodo aki, sea ku no a tuma lugá un investigashon riba e petishonario, sea ku e investigashon a tuma lugá di manera legítimo.

Judgement:
Niet gegrond