Den luna di mart atrobe lo tene orarionan di konsulta na Boneiru i lo kuminsá ku e investigashon di e Entidat Públiko di Boneiru

Nieuwsbericht
Three people sitting on a bench and talking to each other at Bonaire.

E tim di Nationale ombudsman ta bishitá Boneiru den luna di mart. Atrobe lo tene orarionan di konsulta gratuito. Habitantenan ta bon biní na e siguiente lugá i orarionan:

  • Jong Bonaire - Djamars 8 di mart di 09.00 te 11.30 or
  • Rincon - Djaweps 10 di mart di 14.30 te 17.00 or
  • Sentro di Bario Nort'i Salina - Djasabra 12 di mart di 9.00 te 11.30 or

Habitantenan por presentá akinan ku nan pregunta i kehonan tokante instanshanan di gobièrnu, manera polis, Ministerio Públiko i Entidat Públiko.

Apertura investigashon Entidat Públiko di Boneiru

Durante e bishita di trabou na Boneiru tambe lo kuminsá ku e investigashon tokante e manera ku e Entidat Públiko di Boneiru ta atendé ku kehonan. Motibu pa e investigashon akí ta e diferente kehonan i señalnan ku Nationale ombudsman a risibí den e último añanan tokante e Entidat Públiko di Boneiru. E kehonan tabata entre otro tokante e manera ku e direktívanan di Supervishon i Orden, Espasio i Desaroyo i Sosiedat i Kuido ta atendé ku kehonan. E ombudsman ta investigá kon kehonan ta keda tratá i ta wak kiko ta bai bon  i kiko por bai mihó. A base di esaki lo duna sugerensianan i rekomendashonnan konkreto.

Trato di keho profeshonal

Den su Ombudsvisie riba Trato di Keho Profeshonal, Nationale ombudsman a deskribí kiko e suidadano por spera di e manera ku gobièrnu ta trata kehonan. E puntonan di salida ku ta deskribí akiden ta forma e base pa e investigashon akí.

Kombersashonnan i señalnan

E tim tambe lo duna tayernan tokante trato di keho i lo hiba kombersashonnan ku instanshanan pa asina e por ta mas mihó na altura di e último desaroyonan riba e isla. E tim lo skucha e señalnan i kehonan di e suidadanonan tokante e gobièrnu. P’asina Nationale ombudsman por yudanan. Simultáneamente e tim ta investigá unda kosnan ta bai robes i kon por trese mehorashon den esaki.