Estado aktual un aña i mei despues di publikashon di e rapòrt di ombudsman

Ainda tin hopi opstákulo pa studiante karibense na Hulanda

Nieuwsbericht
Een leerkracht legt een Caribische student iets uit op een papiertje

E grupo nobo di studiante karibense ku e aña di estudio aki ta bai studia na Hulanda, ainda ta topa ku problema. Un aña i mei despues di e publikashon di su rapòrt Prekupashon di studiante karibense ainda ombudsman ta mira muchu poko solushon pa e problemanan aki. Den un raportahe preliminar e ta traha e balansa.

Studiante karibense ainda no por pidi BSN promé ku nan yega Hulanda. Sí ta traha na e suministro di un BSN na Hulanda Karibense. E implementashon di esaki ta dura mas o ménos un aña i esaki ta nifiká ku promé ku 2023 lo no entregá BSN na studiante karibense promé ku nan ta na Hulanda. Kon esei lo bira pa e studiantenan binidero di Kòrsou, Aruba i Sint Maarten aktualmente no ta kla ainda. E realisashon di un BSN na Hulanda Karibense no ta reglá di un dia pa otro. Pero e ombudsman sí a spera – i a ferwagt – ku pa e grupo nobo di studiante lo a haña un solushon.

Seguro di kuido básiko ainda nò pa tur studiante karibense

For di promé di yüli 2022, studiante karibense tin derechi riba e seguro di kuido básiko hulandes. Sí nan mester tene kuenta ku e balorashon di residensia di Sociale Verzekeringsbank (SVB - Banko di Seguro Sosial). E balorashon aki por pone ku e studiantenan ainda no tin akseso na un seguro di kuido básiko hulandes i e zorgtoeslag korespondiente, por ehèmpel si nan bai sigui un estudio ku ta mas kòrtiku ku tres aña. E ombudsman ta prekupá pa esaki i e ta pidi minister Kuipers di Salubridat Públiko, Bienestar i Deporte (VWS - Volksgezondheid, Welzijn en Sport) pa buska un solushon pa e grupo di studiante aki tambe.

Kalkulashon outomátiko di kapasidat finansiero i suministro integral di informashon

Ainda no tin bista riba e kalkulashon outomátiko di kapasidat finansiero, pero sí ta bini un inventarisashon di e posibilidatnan pa interkambio outomátiko di dato ku e paisnan karibense. Den relashon ku suministro integral di informashon ta pone paso pa informá hende aktivamente i stimulá nan pa pidi e kalkulashon di kapasidat finansiero. Den e Grupo di Direkshon Éksito di Estudio di Studiante Karibense a instalá un grupo di trabou ‘suministro integral di informashon’ ku ta fókùs riba diferente inisiativa rònt di suministro di informashon. Ombudsman ta aploudí e desaroyo ei.

Reinier van Zutphen: “Na tur ta pone paso, pero e studiante karibense promé, durante i despues di un estudio na Hulanda ainda ta dal den muchu opstákulo. Berdaderamente ainda tin hopi trabou di hasi.”

Enkuentro nobo di mesa rondó

Nationale ombudsman ta keda monitorisá minusiosamente e siguimentu di e rekomendashonnan di su rapòrt di 2020. P’esei, fin di 2022 òf kuminsamentu di 2023 e lo bolbe organisá un òf mas kombersashon di mesa rondó ku e partidonan enbolbí. Dependiente di e resultadonan di e enkuentronan ei, e lo e mira si mester tuma akshon mas aleu.