Gran interes pa e oranan di konsulta di e defensornan di pueblo na Boneiru

Nieuwsbericht
twee vrouwen in gesprek aan tafel tijdens spreekuur

Hopi siudadano a bishitá e oranan di konsulta ku Nationale ombudsman i Kinderombudsman tabatin na Boneiru. Durante kuater ora di konsulta e tim a haña sigur 80 pregunta i keho pa trata.

E kehonan i señalnan ku e tim di Nationale ombudsman a risibí tabata trata tokante diferente organisashon gubernamental. Ta trata di (entre otro) Entidat Públiko Boneiru, Zorg en Jeugd Caribisch Nederland (ZJCN), Koninklijke Marechaussee (KMar) i Kuerpo Polisial (Korps Politie Caribisch Nederland (KPCN)). E kehonan ta relashoná entre otro ku tratamentu dor di i komunikashon di outoridatnan gubernamental. Por ehèmpel ku nan no ta kontestá ora hasi petishon òf pidi informashon serka nan. Tambe diferente siudadano a indiká ku nan ta den un situashon finansiero penibel anto p’esei kasi nan no ta logra lora hinter luna.

Kinderombudsman a haña mayoria di keho i pregunta tokante enseñansa. Totante akseso na enseñansa, esnan ku ta na kas, echo ku no tin un lugá adekuá i e kombinashon kompliká di kuido (pa hóben i salú) i enseñansa. Banda di esei e tim a haña pregunta tokante kuido hubenil.

Na e momentu akí e timnan di Nationale ombudsman i Kinderombudsman ta tratando tur keho i señal ku a drenta. Anto kaminda ta nesesario nan ta aserká e instanshanan gubernamental konserniente. Di e manera ei por trata e keho korektamente.

Ora di konsulta na Saba i Statia

Ta hasi tur loke ta posibel pa organisá oranan di konsulta na Saba i Statia e aña akí tambe. Asina detaye manera fecha, ora i lokashon ta konosí, lo anunsiá esaki na nationaleombudsman.nl/caribisch-nederland i dekinderombudsman.nl.