Di proveedornan di kuido te e mínimo sosial, veteranonan den nesesidat agudo i pobresa bou di mayornan soltero den Karibe hulandes

Agènda di ombudsman 2021

Op deze pagina

    Nieuwsbericht
    Agènda di ombudsman 2021

    Mas o menos 1 mion di suidadanonan na Hulanda mester sobrebibí di un entrada ku na òf nèt riba e mínimo sosial. Mayoria di nan ta biba den un pobresa persistente i no ta logra tene nan kabes riba awa (mas) finansieramente. Dor di e krisis di Corona e grupito akí ta pinta di bira finansieramente ainda mas vulnerabel, prinsipalemnte bou di hóbennan, trahadornan ku un kòntrakt flèksibel i e zzp’ersnan. Ta nan eksaktamente ta haña nan mes konfrontá ku areglonan hopi kompleho i ta haña nan mes mará den e diferente reglanan ku ta na vigor i obligashonnan. Si por ehèmpel nan no kumpli ku e obligashon di mèldu  òf si nan kometé un eror sin ku nan por a yuda, esaki por tin konsekuensianan finansiero  desastroso. Dor di e kobramentu bèk i e butnan, debenan problemátiko por keda kreá.

    Den 2021 e Nationale ombudsman lo bai toka e punto di agènda akí ku esnan ku ta na e mínimo sosial ta eksperensiá ku e gobièrnu. Kontra ki tipo di opstákulonan e suidadanonan akí ta stot nan mes? Te kon leu nan ta keda sostené dor di e gobièrnu? Anto liko ta e posibel solushonnan pa e problema kaprichoso akí?

    Proveedornan di kuido tambe ta sintá den un posishon vulnerabel. Nan tin un ròl importante anto nan ke dediká nan tempu na nan ser kerínan. Pero esaki por solamente si nan haña sufisiente sosten. Den 2021 e Nationale ombudsman ta tira lus krítiko riba e situashon akí por medio di kombersashonan ku  proveedornan di kuido, organisashonnan di interes, siensia i ku gobièrnu, tokante e desaroyonan rondó di e sosten pa e proveedornan di kuido i pidi pa pone atenshon riba solushonnan konkreto.

    Dos ehèmpel di investigashonnan  ku ta riba e agènda di 2021 di ombudsman. Den 2020 e krisis di Corona a kambia e bida diario di tur hende, adultonan i muchanan. Hopi suidadano tabata tin mester di èkstra yudansa di e gobièrnu. Empresarionan pa sosten finansiero, personanan ku a pèrdè trabou pa ònderstand i muchanan pa un lèptòp pasó nan mester a sigui enseñansa pa un gran parti online. Na mesun tempu tabata  hopi mas difisil pa hopi suidadano por drenta den kontakto ku e gobièrnu. Lokètnan tabata será; servisio gubernamentalnan no tabata aksesibel. E trato debido dor di gobièrnu manera, aksesibilidat, responsabilidat i konfiabilidat, ta keda poné bou di un lupa den tempu di krisis. Sierto prosesonan ta stanka diripiente, mientras ku diripiemte otro awor si ta posibel anto ku fasilidat, pasó den tempu di krisis reglanan por keda apliká ku mas fleksibilidat.

    E temanan den 2021

    E temanan ku e Nationale ombudsman, e Ombudsman pa mucha i e Ombudsman pa veteranonan lo dirigí nan mes den 2021 riba dje talbes ta mas relevante dor di e krisis di Corona i e konsekuensianan sosial di esaki.
    Den kuadro di e tema derechonan Fundamental ta pará riba e agènda e aña akí un investigashon tokante profilashon étniko i e tratamentu di e kehonan tokante esaki. Banda di esaki e situashon di kas; un problema sosial spantoso pa diferente grupo di suidadano i muchanan, mientras ku e ta asina krusial pa por partisipá den e sosiedat.

    Denter di e tema Partisipashon i influensia tin hopi pará riba e planifikashon, e desentralisashon ku no a trese e loke hopi suidadano a spera ku esaki lo a trese. Den e ròl di e ombudsman lokal pa tres kuart di e gemeentenan, e Nationale ombudsman ke wak kon suidadanonan por ehersé un influensia riba tareanan kual e gemeentenan akí ta keda enkargá kuné. E Ombudsman pa mucha ta pone akinan spesífikamente un ‘toolkit’ p’asina por duna e interesnan di muchanan un posishon korekto denter di e prosesonan pa tuma desishonannan ku ta toka nan.
    Serka Akseso na fasilidatnan e ombudsmannan ta enfoká nan mes riba diferente tópiko, di proveedornan di kuido te na e resepshon di veteranonan den nesesidat agudo i tratamentu di kehonan serka instanshanan sertifiká. Pero tambe e uso mínimo di fasilidatnan ta pará riba e agènda. E gobièrnu enbèrdat ta hasi sufisiente pa sòru ku suidadanonan ta hasi uso di e fasilidatnan ku ta destiná spesialmente pa nan?
    Pobresa tambe ta un tema ku dor di e krisis di Corona ta pará haltu riba e agènda. Asina e ombudsmannan lo bai e.o. wak e akseso na yudansa ku debe pa zzp’ersnan, e kaida den pobresa pa trahadornan rondo di e sosial mínimo i nan ta investigá kon ta pará ku e pobresa den Karibe hulandes bou di mayornan soltero I nan yunan.
    Denter di e tema Ambiente di biba e atenshon ta keda riba e konsekuesianan di ekstrakshon di gas na Groningen pero tambe e transishon di energia ku ta pará riba e agènda.

     

    Pa un bista kompletu di tur e tópikonan:  E agènda di Ombudsman 2021

    Bijlagen

    NO_Ombudsagenda-2021(pap).pdf (pdf, 934.4 kB)