A sigui parti di e rekomendashonnan di Ombudsman tokante tratamentu di keho na KPCN

Nieuwsbericht
Picture of the police clothing of the police of Sint-Estatius, Saba and Bonaire.

Na febrüari 2021 Nationale ombudsman a publiká e investigashon 'Tratamentu di keho di Kuerpo Polisial Hulanda Karibense ta riba bon kaminda, pero tin espasio pa mehorashon’. Den esaki a hasi dies rekomendashon konkreto. For di kòmbersashon ku tabatin ku Kuerpo Polisial Hulanda Karibense (KPCN) a sali na kla ku entretantu a sigui mitar di e rekomendashonnan.

Tratamentu di keho i formulario di keho

KPCN a tira un bon bista riba e manera ku nan ta trata keho i a base di esei a hasi adaptashon pa asina trata keho na Boneiru, Sint-Eustatius i Saba di e mésun manera. Asina tin un akuerdo entre e ministerio di Hustisia i Siguridat, esaki lo wòrdu publiká na e website. Aki tambe por haña e formulario di keho.

Brífenbùs, registrashon i análisis di keho

Pa hasi entrega di keho mas fásil ku ta posibel awor tambe tin brífenbùs na Saba i Sint-Eustatius tambe. Di e manera ei ta hasi entrega di keho mas aksesibel pa e siudadanonan. Banda di esaki lo rekurí mas lihé na e kordinadó di keho ora entregá keho na bali. Asinaki lo registrá keho ku wòrdu tratá di manera informal tambe. E hefe polisial lo informá gezaghebber verbalmente tokante kehonan pendiente.

Komo último, den futuro KPCN lo traha riba un análisis di keho anual pa di e manera ei por siña di e kehonan ku a entregá.

Mónitòr

Un punto di atenshon pa Nationale ombudsman ta pa keda sigui sobrá di e rekomendashonnan. Ta hasi esaki durante di kòmbersashonnan telefóniko ku KPCN i durante bishita di trabou na Boneiru, Sint-Eustatius i Saba.

Motibu pa akshon

Señor Reinier van Zutphen, Nationale ombudsman, den su investigashon na febrüari 2021 a tèst si e tratamentu di keho di KPCN ta kuadra ku e vishon di e defensor di pueblo riba tratamentu di keho profeshonal. Na e momentu ei kaba, el a indiká ku KPCN ta trahando duru pa profeshonalisá tratamentu di keho. Pero tambe el a mira ku ainda por drecha tratamentu di keho. El a mira posibilidat pa drecha esaki. Pa e motibu akí a bini ku dies rekomendashon di kua ya a sigui sinku.