Ombudsmannan ta pidi atenshon pa problemanan den e parti Karibense di Reino

Nieuwsbericht
Caribische vrouw zit aan tafel en leest een brief

Den un karta dirigí na Presidente di Konseho di ministernan di Reino, señor Rutte, Ombudsmannan di Reino Hulandes konhuntamente ta pidi atenshon pa algun puntonan di desaroyo i problema ku ta eksistí den e parti Karibense di Reino Hulandes, i pa e konsekuenshanan di e kondishonnan mará na e sosten di likidashon. E pobresa ku ta enkontrá den Karibe Hulandes tambe ta visibel den e otro paisnan di Reino den Karibe. E krisis di e virus di Korona ta hasi e situashon akí pa hopi, mas agudo.

Señalnan importante

E ombudsmannan ta konstatá diferente desaroyonan i problema. Na St. Maarten ainda no tin un plan stratégiko efektivo pa restourashon di e dañonan okashoná dor di orkan Irma. Na Kòrsou, problema di akseso na awa limpi anto tambe e probresa eksistente ku dia pa dia ta krese, ta algun tópiko aktual ku ta dominá. Aparte di esaki tambe tin un problema di refugiadonan for di Venezuela, enpartikular pa loke ta trata falta di proseduranan adekuá i fasilidatnan pa akapará e refugiadonan. Den e karta kolektivo akí e ombudsmannan ta indiká di ke bai den kombersashon ku señor Rutte tokante e tópikonan pa asina por yega huntu na un solushon.

Ombudsmannan di Reino

E ombudsmanan di Reino ta:

  • Gwendolien Mossel (ombudsman di St. Maarten)
  • Keursly Concincion (Ombudsman di Kòrsou)
  • Reinier van Zutphen (Nationale ombudsman pa Karibe Hulandes i Hulanda).

Aruba te na e momentunan akí ainda no tin un propio ombudsman.