Nationale ombudsman, e Ombudsman pa mucha i Ombudsman pa veterano na 2020 ta enfoká entre otro riba pobresa i debe bou di hóben vulnerabel na Hulanda Karibense, riba veterano den detenshon i e tempu ku ta dura pa pa trata areglo di daño na Defensa. Pero tambe e bahamentu di e kantidat di hende ku ta drenta sanashon di debe i e enbolbimentu di mucha i hóben ku enfermedat (króniko) den nan trato médiko ta tópiko importante pa e ombudsmannan na 2020.
Diariamente Nationale ombudsman, e Ombudsman pa mucha i Ombudsman pa veterano ta señalá ku siudadano, mucha i veterano tin hopi mester di gobièrnu: pa haña previshon manera un kompensashon finansiero, kuido, sosten òf pa klaridat di plannan pa nan ambiente direkto. Pero tambe pa garantisá nan derechonan fundamental manera e akseso na derecho.
Si algu bai malu entre e siudadano i gobièrnu, e ombudsman por intervení, media òf instituí un investigashon. Tambe ombudsman riba su propio inisiativa por duna atenshon na problema struktural. E tópikonan ku nan ke duna visibilidat èkstra na 2020, ta pará riba e Ombudsagènda bou di sinku tema: Derechonan fundamental, Partisipashon i influensha, Akseso na fasilidatnan, Pobresa i Abitabilidat.
Tema nobo Abitabilidat
E promé kuater temanan tabata riba e Ombudsagènda 2019 tambe, pero riba algun punto nan a haña un fókùs nobo. E tema Pobresa, por ehèmpel, no ta dirigí mas solamente riba problemátika di debe, sino ta enserá tambe pobresa di hende ku (ainda) no tin debe. Digitalisashon no ta un tema separá mas, sino ta kore manera un hilu kòrá den tur proyekto riba e agènda. Ta introdusí Abitabilidat komo tema nobo. E aktuashon di gobièrnu tin konsekuensha grandi pa abitabilidat. Ta trata di e ambiente den kua hende ta biba na kas, traha i biba nan bida. Kon ta (re)ekipá e áreanan? Siudadanonan ta haña e informashon ku nan tin derechi riba dje?
Kiko tin riba Ombudsagènda na 2020?
Derechonan fundamental
- Migrashon internashonal, a finalisá e proyekto na mèi 2020 huntu ku ombudsman Griego i Basko. Despues ombudsman ta reuní i klasifiká e problemátika di refugiado na Hulanda Karibense.
- Adaptashon síviko, retrospekshon riba investigashon, premirá terser kuartal 2020.
- E mihó desishon pa e mucha, despues di lansamentu yudansa fin di 2019, komienso di pilot den diferente organisashon di kuido di hóben. E resultado di e pilotnan aki na 2020 lo duna e proyekto di Ombudsman pa mucha mas forma.
- Parada di karavana, promé mitar di 2020, enkuentro di mesa rondó di Nationale ombudsman ku e alkaldenan i minister di BZK tokante maneho di karavana i debilitashon.
- Trato di keho di profilashon étniko, investigashon premirá promé kuartal 2020.
- Akseso na derecho: suministro di informashon tokante dekreto di kastigu i seponementu, finalisá promé kuartal 2020.
Partisipashon i influensha
- Dunamentu di informashon rònt di dunamentu di pèrmit, siguiendo e investigashon Informá = publiká? ombudsman un aña largu ta sigui diferente instansha di gobièrnu – entre nan munisipionan, servisionan di ambiente i un organisashon gubernamental pa atministrashon di awa públiko.
- “Mi kuido, mi asuntu.” Investigashon di Ombudsman pa mucha den enbolbimentu di mucha i hóben ku enfermedat (króniko) den nan trato médiko, premirá di dos kuartal 2020.
- Partisipashon na proyekto infrastruktural, kontinuashon di investigashon, premirá di tres kuartal 2020.
Akseso na previshon
- Opstákulo den akseso na, kalidat i kosto di kuido i sosten, investigashon di retrospekshon ‘Zorgen voor burgers’ (Kuido pa siudadano, trad.) i ‘Borg de zorg’ (Sigurá kuido, trad.) premirá di tres kuartal 2020.
- 18-/18+ serka tenedó di státùs, komienso di dos kuartal 2020.
- Hende sin adrès ku por yuda nan mes, kontinuashon ku motibu di karta di kuido di 29 di mart 2019.
- Evaluashon Enseñansa Adekuá, terminashon proyekto di dos kuartal di 2020.
- Investigashon di (durashon di tratamentu) Areglonan di Daño Defensa, premirá fin di e di dos kuartal.
- Veteranonan den detenshon (akseso na kuido i rehabilitashon sosial), Ombudsman pa veterano huntu ku Ombudsman nashonal, finalisá fin di 2020.
Pobresa
- Pobresa na Hulanda Karibense: investigashon konhunto di Nationale ombudsman i e Ombudsman pa mucha pa loke ta trata adulto hóben (promé mitar di 2020) i mayor soltero i nan yunan (di dos mitar di 2020) na e parti Karibense di Hulanda.
- Problema di alohamentu i hende daklos, proyekto Ombudsman pa mucha finalisá di kuater kuartal di 2020.
- Influks desendiente den WNSP, finalisá di dos kuartal di 2020.
Abitabilidat
- Transishon di energia: kiko siudadano por ferwagt di gobièrnu? Komienso premirá den medio di di dos kuartal 2020.
- Lèi di ambiente: gobièrnu ta aksesibel pa tur siudadano? Finalisá den medio di di tres kuartal 2020.
- Konsekuenshanan di minamentu di gas na Groningen, kontinuamente.
