Ombudsman: Gobernashon mester t’ey pa tur siudadáno

ombudsman

Gobernashon mester t’ey pa tur siudadáno, e perspektiva di siudadáno. Na momentu ku gobernashon ta pone su mes insufisientemente den posishon di e siudadáno, kos ta bai robés. Esey ta e kaso eksprésamente ku e siudadáno ku no por yuda su mes i ku hustamente ta dependé di gobernashon pa resolvé nan problema. Esaki e Ombudsman Nashonal ta konkluí den su relato anual di 2015. Legislashon, kambionan di maneho i kambionan den implementashon sin ku ta intenshon por tin konsekuensha grandi pa siudadáno. Ombudsman ta boga pa gobernashon tin mas atenshon i mas trempán pa e perspektiva di e siudadáno ‘gobernashon t’ey pa e siudadáno i no pa robés’. El a risibí na 2015 mas di 38.147 kehu, esey ta kasi dos mil mas ku na 2014. 

E Ombudsman Nashonal ta mira ku gobernashon na 2015 a hinka siudadáno den problema pasobra no tabatin sufisiente atenshon pa nan situashon spesífiko. ‘Tur hende pa gobernashon mester pas den un hòki stándart’, Van Zutphen ta bisa. Den su investigashon di sekuestro (òktober 2015) e entidadnan di gobernashon kooperándo a rekonosé ku no tabatin sufisiente bista riba e problemanan (hopi biaha mas di uno) di e siudadáno individual. Tokante e desaparishon di e ènvelòp blòw e Ombudsman a risibí miles di kehu di hende ku no por òf no kier bai ku e digitalisashon di Belastingdienst. 

Gobernashon siñando 

Den e investigashon PGB i e gobernashon (no) siñando (PGB en de (niet)lerende overheid) (sèptèmber 2015) e Ombudsman a konkluí ku gobernashon no ta konsulta sufisiente ku su mes ora ta trata di introdukshon di kambionan grandi i komplehu. Van Zutphen: ‘Ta importante ku p’esey ta siña di situashonnan kaminda por a hasi mihó. Gobernashon mester siña wak over di nan mes kurá. Tantu na otro instánsha gubernamental, pero tambe haña bista riba e siudadáno, e perspektiva di siudadáno.’ 

Ombudsman pa Veterano 

Den su papel di Ombudsman pa Veterano e Ombudsman Nashonal a haya na 2015 137 kehu di veterano (2014: 101). E kehunan tabata relashoná mas tantu riba Ministerio di Defensa. Kada biaha mas veterano hoben ta puntra pa ayudo di Ombudsman. Na 2015 e Ombudsman pa Veterano a vosiferá su opinión tokante e kuido posterior pa veterano di Afghanistan i retiro despues di uso di droga. Tambe e durashón largu di tratamentu di kehu pa Ministerio di Defensa tabata un punto di preokupashon.