Publikashon di e promé rapòrt di investigashon tokante OLB

Bonaire

Nationale ombudsman a hasi un investigashon di un keho riba e forma ku openbaar lichaam Bonaire (OLB) a atendé  un demandá pa daño i perhuisio. Esaki ta e promé biaha ku a publiká un rapòrt tokante OLB. 

E keho a drenta  di un mener ku a pone OLB responsabel pa e daño ku el a haña na su outo ora ku el a pasa den buraku riba kaya. OLB no a laga tende nada di dje tokante e demanda aki i ta te despues di 2 aña numa  a tuma un desishon ku e mener lo haña kompensashon pa e daño. E mener a reklamá ku e proseso a dura demasiado largu. Despues di  investigashon  Nationale ombudsman a konkluí ku nan ta di akuerdo ku e mener.  Entretantu, relashoná ku e diferente kehonan ku OLB ta haña pa e forma pokopoko ku nan ta atendé esakinan,  a tuma medida pa reakshoná na tempu ora nan haña un demanda pa daño i perhuisio. 

Nationale ombudsman ta di opinion tambe ku mester a tene e mener na altura kon e proseso di  su demanda ta kana. Pa esaki ombudsman a duna OLB algun rekomendashon. E luna aki mes kolaboradornan di ombudsman lo reuní ku secretaris ora nan tene konsulta na Boneiru pa risibí keho di su habitantenan.