Hulandes karibe

Op deze pagina

    Man reading a newspaper

    Nationale ombudsman t’ei tambe pa e habitantenan di Boneiru, Sint Eustatius òf Saba. Bo no ta bin kla serka gobièrnu, òf bo ta sinti ku no a trata bo korektamente? E ora ei bo por rekurí na nos.

    Gobièrnunan na islanan BES

    Na e islanan bo por haña bo ta trata ku diferente gobièrnu. Ku instansha di gobièrnu di reino manera Koninklijke Marechaussee, polis, Ministerio Públiko. Òf Asuntunan Sosial i Empleo, Belastingdienst òf Zorgverzekeringskantoor Hulanda Karibense. Banda di esaki tin instansha di gobièrnu lokal manera e (partinan di e) entidatnan públiko Boneiru, Sint Eustatius i Saba.

    Boneiru, Sint Eustatius i Saba ta munisipionan singular di Hulanda. For di 2010 Nationale ombudsman ta trata keho tokante instansha di gobièrnu di reino na e islanan. I for di 2012 tambe keho tokante e instanshanan di gobièrnu lokal, ku tambe sa yama entidat públiko.

    Keho tokante un instansha di gobièrnu

    Gobièrnu mester pèrkurá pa ehekutá tur lei i regla na un bon manera. Esaki no ta logra tur ora. Algu por bai malu entre abo i gobièrnu. E ora ei bo por rekurí na Nationale ombudsman. Ayudo di Nationale ombudsman ta grátis. Ta trata di un keho tokante di un instansha di gobièrnu di reino? E ora ei promé bo mester entregá un keho serka e instansha ei. Si huntu no bini kla, bo por rekurí na nos. Un keho tokante un gobièrnu lokal bo por entregá direktamente serka nos.

    Solushoná mésora òf investigashon

    Bo a entregá un keho serka nos? E ora ei den tres siman bo ta tende kiko nos por hasi pa bo. Si un problema ta fásil pa solushoná, nos ta hasi esaki mésora. Den kaso di un keho mas kompliká nos ta hasi un investigashon ekstenso. Esaki ta tuma mas tempu, pero nos ta tene bo na altura di esaki. Despues di e investigashon bo ta lesa den un rapòrt kiko e opinion di Nationale ombudsman ta, i tambe si bo keho ta hustu i kiko gobièrnu por hasi pa mehorá su servisio.

    Bo tin un keho? Laga nos sa

    Huntu ku bo keho duna bo adrès, bo adrès di e-mail i bo number di telefòn. I deskribí den algun palabra di kua instansha ta trata i kiko e problema ta. Konta tambe kiko bo mes a hasi kaba pa solushoná e problema.


    Entregá bo keho direktamente online via e formulario di keho digital


    Òf manda un karta òf un formulario di keho riba papel yená pa:

    Nationale ombudsman
    Antwoordnummer 10870
    2501 WB Den Haag
    Nederland

    Kontakto telefóniko

    • Yama +31 70 356 35 63 -  Nos ta alkansabel riba dia di trabou te 12.00 or (bo ora lokal).
    • Skype - Bo ke traha un sita ku nos pa un kombersashon via Skype? Manda nos un e-mail ku bo nòmber di Skype i kiko bo ke papia di dje. E ora ei nos ta palabrá un ora.
    • WhatsApp - pa esaki añadí +31 6 21462188 na e lista di kontakto di bo smartphone. E ora ei bo por manda nos un mensahe di Whatsapp.

    Facebook: Ombudsman Nashonal en hulandes karibe