Pa ehekutá su tareanan legal i operashon empresarial Nationale ombudsman ta registrá datonan personal. Pa nos ta importante ku ta trata e datonan personal akí di manera kuidadoso i konfidenshal.
Nos ta trata datonan personal konforme regulashon i legislashon vigente. For di 25 di mei 2018 Algemene Verordening Gegevensbescherming (AVG) ta na vigor.
Uso di datonan personal
Na momentu ku un persona entregá un keho serka nos, nos ta pidié su datonan personal. Nos tin mester di e datonan akí pa por prosesá e keho. Si nos no haña e datonan akí, lamentabelmente nos no por trata e keho.
E datonan personal akí tambe por keda usá pa hasi análisis anto pa sita òf duna ehèmpelnan di forma anónimo den investigashonnan ku ombudsman mes ta inisiá. Tambe ta posibel ku den kuadro di un investigashon nos mester tuma kontakto ku e persona ku a entregá e keho, pa sea mas splikashon òf un otro forma di kolaborashon.
Banda di esei nos por hasi uso di datonan personal pa duna servisio, manera ora pidi nos pa manda un di nos foyetonan òf publikashonnan. Ta registrá datonan personal tambe na momentu ku por ehèmpel un persona solisitá na Nationale ombudsman. Nos ta usa dato personal únikamente pa e meta pa kua ta duna nos nan.
Kompartí datonan personal
Pa tratamentu di un keho ta posibel ku Nationale ombudsman ta kompartí dato, inkluyendo datonan personal, ku e instansia(nan) gubernamental ku ta envolví den e persona su keho. Pa e motibu akí nos ta konsehá e persona pa entregá únikamente e datonan ku nos tin mester di dje pa trata e keho. Na momentu ku tin kualke duda semper por tuma kontakto via telefòn ku nos.
Na momentu ku e instansia gubernamental enbolbí ainda no a trata un keho, nos por manda e keho pa e instansia en kuestion pa nan trat’é. Laga nos sa libremente den kaso ku señor(a) no ke pa nos manda e keho. E ora ei nos lo tuma kontakto ku señor(a) promé.
Nos no ta kompartí datonan personal ku otro instansianan ora ta trata di tarea di servisio. Nunka nos ta usa datonan personal ku meta komersial òf otro tipo di meta banda di esun pa kua a duna nos nan.
Bou di òrdu di Nationale ombudsman nos ta sera kombenio di proseso di datonan ku e organisashonnan ku ta registrá señor(a) su datonan. Nationale ombudsman ta keda responsabel pa atministrashon di señor(a) su datonan.
Wardamentu di dato personal
Nationale ombudsman no ta warda dato personal mas largu ku ta nesesario i ku lei ta permití. Archiefwet 1995 ta stipulá e término di wardamentu. Den asina yamá listanan di selekshon (selektielijsten) tin stipulá kua informashon Nationale ombudsman ta destruí despues di tempu òf ta keda wardá permanentemente.
Si señor(a) solisitá serka nos i señor(a) no haña e trabou, e ora ei despues di 1 luna ku señor(a) a risibí un kontesta negativo, ta destruí e datonan. Nos por pidi pèrmit pa warda datonan personal pa máksimo di un aña. Den kaso ku pa sierto datonan spesífiko no tin un término legal stipulá pa warda nan, no ta warda e datonan mas largu ku ta estriktamente nesesario pa por duna e servisio rekerí.
Derechonan di privasidat
Na momentu ku Nationale ombudsman usa señor(a) su datonan personal, señor(a) tin un kantidat di derecho:
- Derecho riba informashon: derecho pa sa pakiko tin mester di e datonan personal, pa piko ta usa nan i kon largu nan ta wòrdu wardá.
- Derecho pa por konsultá: señor(a) tin derecho pa mira ta kua ta e datonan di señor(a) ku ta konosí serka nos.
- Derecho di rektifikashon: señor(a) tin derecho pa pidi nos kompletá of koregí e datonan personal ku nos tin di señor(a) òf den kaso ku e datonan ku nos tin ta inkorekto, pa drecha esakinan.
No ta posibel pa despues ku a trata señor(a) su keho, hasi korekshon na hechonan plantiá, opinionnan i konklushonnan ku kua señor(a) no ta di akuerdo. Sí señor(a) por spera di nos, ku nos ta agregá señor(a) su opinion na e dosié. - Derecho di limitashon di prosesamentu: señor(a) tin derecho riba un paro temporal di prosesamentu di señor(a) su datonan personal. Por ehèmpel pasobra señor(a) a oponé kontra prosesamentu di señor(a) su datonan personal i ta wardando riba kontesta.
- Derecho di opheshon: señor(a) tin derecho – pa motibunan personal – pa ophetá kontra prosesamentu di señor(a) su datonan personal. Por hasi esaki únikamente na momentu ku prosesamentu di señor(a) su datonan personal ta tuma lugá a base di ehersementu di un tarea públiko òf ora Nationale ombudsman tin e impreshon di tin un interes hustifiká den prosesamentu di señor(a) su datonan personal.
- Derecho di eliminashon i derecho di wòrdu lubidá: na momentu ku duna nos derecho di prosesá datonan, e ora ei señor(a) tin derecho pa laga eliminá e datonan personal akí. Paga tinu: den kaso ku ta trata un keho entregá pa señor(a) mes, e ora ei no por hasi uso di e derecho akí. Motibu pa esaki ta ku prosesamentu di datonan personal durante tratamentu di un keho ta basá riba un tarea legal i no riba pèrmit.
Pa hasi uso di un di e derechonan, por hasi un petishon por eskrito i manda esaki na:
Nationale ombudsman
T.a.v. de functionaris voor de gegevensbescherming
Postbus 93122
2509 AC Den Haag
Òf por manda e petishon via mail na avg@nationaleombudsman.nl
Ta trata e petishon akí denter di kuater siman despues ku a risibié. Si ta nesesario, nos ta tuma kontakto ku señor(a) pa mas informashon.
Limitashon di derechonan di privasidat
Na momentu ku e petishon tin di aber ku un keho ku señor(a) a entregá, e ora ei, señor(a) su derechonan ta limitá. Ta asina ku prosesamentu di datonan personal durante tratamentu di un keho ta basá riba un tarea legal.
Keho tokante uso di datonan personal?
Señor(a) tin keho tokante kon Nationale ombudsman ta usa señor(a) su datona personal? Den e kaso ei señor(a) por tuma kontakto ku nos tokante esei. Por manda nos un mail na avg@nationaleombudsman.nl. Por entregá un keho serka nos tokante esei.
Den kaso ku huntu nos no sali afó, por entregá un keho na Autoriteit Persoonsgegevens. Autoriteit Persoonsgegevens ta kontrolá uso di datonan personal.
Funshonario protekshon di datonan
Nationale ombudsman tin un funshonario ku e tarea di protekshon di datonan. E persona akí ta kontrolá ku nos ta atministrá datonan personal manera lei ta preskribí. E funshonario akí ta registrá na Autoriteit Persoonsgegevens. Por tuma kontakto ku e funshonario relashoná ku protekshon di datonan via avg@nationaleombudsman.nl.
Partidonan online
Nos ta trata e informashon personal ku ta wòrdu kompartí ku nos di manera konfidensial. Señor(a) a subi nos website via otro páginanan manera Facebook, Twitter i WhatsApp? E ora ei e reglanan di e partidonan ei tokante kon ta trata ku informashon personal i privasidat, ta konta. Nos konseho ta pa lesa nan determinashon di privasidat bon.
Anonimisá
Nationale ombudsman ta publiká su rapòrtnan riba e website akí. Ora ta hasi esaki ta anonimisá e rapòrtnan. Ta hasi esaki di tal manera ku un kaso no ta redusibel te na un persona individual. Den kaso ku señor(a) ta di opinion ku no a hasi esaki kuidadosamente ku señor(a), por manda un mail na e funshonario protekhon di datonan na avg@nationaleombudsman.nl.
Cookies
E website akí ta hasi uso di cookies. Nos ta hasi uso di cookies pa laga e website funshoná mihó. Nos no ta hasi uso di e datonan akí riba nivel individual personal òf di un kòmpiuter. Konsekuentemente no ta redusibel ta di ken òf di kua kòmpiuter e datonan ta. Por lesa mas informashon tokante esaki den nos maneho di cookies.
Kambio
Nos ta keda ku e derecho pa hasi kambio den nos deklarashon di privasidat i maneho di cookies. Por haña e vershon mas aktual riba e página akí.